विभिन्न बुट्टाका,
गुच्चा बजाउदै,
गुच्चा खेल्न जान्थे म,
गुच्चा जित्न जान्थे म,
गुच्चा बटुल्न जान्थे म ।
तर, गुच्चा खेल्न भन्दा,
जम्मा गर्न रमाइलो लाग्थ्यो ।
त्यो पनि थरिथरी रङ्गका ।
थरिथरी बुट्टाका ।
सिङ्गो गुच्चा भन्दा,
गुच्चा भित्रको बुट्टा,
अझै राम्रो लाग्थ्यो ।
त्यसैले त खेल्न भन्दा,
जम्मा गरेर बस्थे ।
त्यही बुट्टाले मन लोभ्भिएर
भित्रको मात्र निकाल्न चाहान्थे ।
फुटाले गुच्चा,
भित्रको बुट्टा भेटिन ।
फुटाउदा हराएको जस्तो लाग्यो,
अर्को फुटाले,
अझै भेटिएन ।
अर्को अर्को अर्को,
गर्दै सबै फुटाए,
तर सबै प्रयास बिफल भए,
त्यो बुट्टा कहिल्यै भेटिएन ।
तर उत्सुकता मेटिएन ।
र आज सम्म पनि सोच्छु,
आखिर भित्र के राखेको हुन्छ ?
पारी क्षितिजको इन्द्रेणी जस्तो ।
आकाशको त्यो जुन जस्तो ।
सधै देखिने,
आफू संगै भएको,
तर पाउन गाह्रो,
आफ्नै बनाउन गाह्रो ।
त्यो गुच्चा भित्रको बुट्टा ।